Take a fresh look at your lifestyle.

விரைவில் இந்தியா வரும் சியோமி எம்ஐ டிவி ஹாரிசான் எடிஷன்

113

சியோமி நிறுவனம் இந்தியாவில் தனது எம்ஐ டிவி ஹாரிசான் எடிஷன் மாடலை செப்டம்பர் 7 ஆம் தேதி அறிமுகம் செய்ய இருக்கிறது. இது சியோமி நிறுவனத்தின் முதல் பிரீமியம் டிவி மாடலாக இருக்கும் என எதிர்பார்க்கப்படுகிறது.

சியோமி நிறுவன வலைதத்தில் புதிய ஸ்மார்ட் டிவி அம்சங்கள் குறிப்பிடப்பட்டு இருக்கிறது. அந்த வகையில் இந்த டிவி சியோமியின் பேட்ச்வால் மற்றும் ஆண்ட்ராய்டு டிவி இயங்குதளம் கொண்டிருக்கும் என தெரிவிக்கப்பட்டு இருக்கிறது. புதிய டிவி மாடல் வெளியாகி சில மாதங்கள் ஆகிவிட்ட நிலையில், சியோமி புதிய டிவி மாடலை அறிமுகம் செய்ய இருக்கிறது.
  எம்ஐடிவி ஹாரிசான் எடிஷன்
புதிய எம்ஐ டிவி ஹாரிசான் எடிஷன் பண்டிகை கால விற்பனையை குறிவைத்து அறிமுகம் செய்யப்பட இருக்கிறது. டீசரில் புதிய ஸ்மார்ட் டிவி வெளியீட்டு தேதி மற்றும் சில அம்சங்கள் குறிப்பிடப்பட்டு உள்ளது. மேலும் இந்த டிவி பேட்ச்வால் லான்ச்சரில் 5 ஆயிரம் செயலிகளை இயக்குவதற்கான வசதி வழங்கப்படுகிறது.
இத்துடன் புதிய எம்ஐ டிவி மாடலில் குவிக் வேக் அம்சம் வழங்கப்பட இருக்கிறது. இதை கொண்டு டிவியை ஸ்டான்ட்பை மோடில் இருந்து வேகமாக ஸ்விட்ச் ஆன் செய்ய முடியும். முன்னதாக சியோமி டிவி மாடல்களில் குவிக் வேக் அம்சம் இல்லாததை பலர் குற்றச்சாட்டாக தெரிவித்து வந்தனர்.