அசத்தல் டீசருடன் பாஜி கேம் வெளியீட்டு விவரம் அறிவிப்பு
கோப்பு படம்
பாஜி கேம் இந்திய வெளியீட்டு தேதி இதுவரை அறிவிக்கப்படவில்லை. எனினும், இந்த கேமை உருவாக்கி வரும் என்கோர் கேம்ஸ் தனது பாஜி கேம்வெளியீட்டு விவரங்களை தனது ட்விட்டர் அக்கவுண்ட்டில் அறிவித்து உள்ளது.
பாஜி – பியர்லெஸ் அண்ட் யுனைட்டெட் கார்ட்ஸ் என்ற விரிவாக்கம் கொண்ட கேம் நவம்பர் மாதம் வெளியாகிறது. மேலும் இந்த கேமின் 1 நிமிட டீசர் வீடியோவையும் என்கோர் கேம்ஸ் வெளியிட்டு உள்ளது. டீசரில் புதிய கேம் கிராபிக்ஸ் மற்றும் கேம்பிளே தெரியவந்துள்ளது.
முன்னதாக இந்த கேம் பற்றிய அறிவிப்பு செப்டம்பர் மாதம் வெளியானது. முன்னதாக இந்தியாவில் பப்ஜி கேமிற்கான தடை உத்தரவு வெளியானது. கேம் அறிவிப்பின் போது, இது அக்டோபர் மாத இறுதியில் வெளியாகும் என தெரிவிக்கப்பட்டது. எனினும், இந்த கேம் வெளியீடு எதிர்பார்க்கப்பட்டவிட மேலும் தாமதமாகும் என தெரிகிறது.
பாஜி கேம்பிளே கல்வான் பள்ளத்தாக்கில் நடைபெறும் வகையில் உருவாக்கப்பட்டு இருக்கிறது. எனினும், வெளியீட்டின் போது இந்த கேமில் பேட்டிள் ராயல் மோட் வழங்கப்படாது என பாஜி இணை நிறுவனர் விஷால் கோண்டல் தெரிவித்து இருக்கிறார்.