Take a fresh look at your lifestyle.

சிவகார்த்திகேயனின் ‘டாக்டர்’ ரிலீஸ் அப்டேட்

42
சிவகார்த்திகேயன் நடிப்பில் தற்போது உருவாகி வரும் படம் ‘டாக்டர்’. ‘கோலமாவு கோகிலா’ படத்தை இயக்கிய நெல்சன் இப்படத்தை இயக்கி வருகிறார். கதாநாயகியாக பிரியங்கா மோகன் நடிக்க, வில்லனாக வினய் நடிக்கிறார். அனிருத் இந்த படத்திற்கு இசையமைக்கிறார்.
இந்த படத்தின் இறுதிக்கட்ட படப்பிடிப்பு நடைபெற்றுக் கொண்டிருந்த சமயத்தில் கொரோனா அச்சுறுத்தல் காரணமாக ஊரடங்கு உத்தரவு பிறப்பிக்கப்பட்டதால் படப்பிடிப்பு நிறுத்தப்பட்டது. இதனால் படப்பிடிப்பை திட்டமிட்டபடி முடிக்கவில்லை. தற்போது படப்பிடிப்புக்கு அனுமதி அளிக்கப்பட்டுள்ளதால் இறுதிக்கட்ட படப்பிடிப்பு விறுவிறுப்பாக நடைபெற்று வருகிறது.
டாக்டர் பட போஸ்டர்
இப்படத்தை வருகிற கிறிஸ்துமஸ் பண்டிகைக்கு வெளியிட படக்குழு திட்டமிட்டுள்ளதாக கூறப்பட்டு வந்த நிலையில், தீபாவளிக்கு டாக்டர் படக்குழு வெளியிட்ட போஸ்டரில் படம் அடுத்தாண்டு கோடை விடுமுறைக்கு வெளியாகும் என குறிப்பிடப்பட்டுள்ளது.